په ولسي جرګه کې د نورستان ولایت د خلکو له استازي سره کتنه!
د سرحدونو او قبایلو چارو سرپرست او نوماند وزیر ښاغلي محب الله صمیم نن له غرمې مخکې په ولسي جرګه کې د نورستان ولایت د خلکو له استازي ښاغلي اسماعیل اتیکان سره د خپل کار په دفتر کې وکتل.
په دې کتنه کې د خلکو استازي د قومونو په یووالي او انسجام کې د وزارت رول مهم یاد کړ وې ویل: موږ به د خپلو خلکو د استازو په توګه د سرحدونو او قبایلو چارو له وزارت سره د قومونو د اړیکو په پراختیا، د ملي پروژو په تطبیق، د سولې او ثبات په برخه کې هڅو او همکارۍ ته ولسونه راوبولو، ځکه چې دولتونه کولای شي د خپلو ولسونو پر مټ ملي موخې تر لاسه کړي او ملي واکمنۍ پیاوړې کړي.
ورپسې د سرحدونو او قبایلو چارو سرپرست او نوماند وزیر ښاغلي محب الله صمیم پخپلو خبرو کې د یاد ولایت د خلکو استازي له هېوادني احساس څخه مننه وکړه وې ویل: موږ د پتمنو قومونو د یووالي غوښتونکي یو او دا زموږ مسوولیت دی، چې د خپلو خلکو لپاره کار او ګډې هڅې ترسره کړو ده همدا راز زیاته کړه، چې ستاسو په شان استازي کولای شې، چې د ملت او دولت ترمنځ د باور فضا رامنځنه کړي.
