د لوګر له والي سره کتنه!
د سرحدونو او قبایلو چارو وزارت د جرګو او قبایلي چارو دهمغږۍ معین محترم الحاج محمد یعقوب احمدزي، نن له غرمې مخکې د۱۳۹۹لمریز کال د تلې د میاشتې په۳۰ مه نېټه، د لوګر له والي ښاغلي محمد اجمل شاهپور سره ددغه ولایت په مقر کې وکتل.
په دې کتنه کې، چې د دغه ولایت مرستیال او مرستياله هم حاضر وه، دواړو لورو د خپلو خبرو په ترڅ کې د ملي یووالي، سولې او امنیت په ټينګښت کې دهېواد د بېلابېلو قومونو د ونډې او له قومونو سره د اړیکو په پیاوړتیا او پراختیا ټينګار وکړ، وې ویل: چې له قومي مشرانو، مخورو، دیني عالمانو او ځوانانو سره سلا مشورې د سولې په ټينګښت او نورو چارو په پرمختګ کې ډېره مرسته کولای شي.
همداراز د لوګر والي، د جرګو معين ښاغلي احمدزي سره د جرګې په جوړولو کې د هر ډول مرستو او همکاریو ژمنه وکړه.
