د حرکت انقلاب اسلامي ګوند له مشر او ملګرو سره یې کتنه!
د سرحدونو او قبایلو چارو سرپرست او نوماند وزیر ښاغلي محب الله صمیم نن د خپل کار په دفتر کې د حرکت انقلاب اسلامي ګوند له مشر ښاغلي مولوي قلم الدین او ملګرو سره یې وکتل.
په دې کتنه راغلو مشرانو ښاغلي صمیم ته د مبارکۍ ویلو ترڅنګ له نظام څخه خپل ملاتړ څرګند او له وزارت سره یې د خپلو هر ډول همکاریو ژمنه وکړه.
ورپسې د سرحدونو او قبایلو چارو سرپرست او نوماند وزیر ښاغلي صمیم د دوې له راتګ څخه د مننې په ترڅ کې وویل: موږ به د خپلو مشرانو سلا مشورې اورو او د دوې له تجربو څخه به په ټولو چارو کې استفاده کوو.
