د معلوماتي ټکنالوژۍ له ریاست او د وزارت له ښځینه کارکوونکو سره کتنه!
د سرحدونو او قبایلو چارو وزارت سرپرست او نوماند وزیرښاغلي محب الله صمیم نن له غرمې مخکې د روان لمریز کال د تلې میاشتې پر ۱۲ مه نېټه د وزارت د معلوماتي ټکنالوژئ له ریاست او د وزارت له ښځینه کارکوونکو سره د کنفرانسونو په تالارکې وکتل.
په دې کتنه کې لومړۍ د معلوماتي ټکنالوژۍ رئیس د ټکنالوژۍ د ارزښت په رڼا کې د دغه ریاست د کړنو او راتلونکو پلانونو په اړه څرګندونې وکړې او یو لړ تخنیکي ستونزې یې د حل په موخه شریکې کړې.
همدا راز د وزارت د ښځو د ملاتړ واحد هم په وزارت کې ددغه واحد او په مجموع کې د وزارت د ښځینه کارکوونکو فعالیتونه او پلانونه په ډاګه کړل، ستونزې اوغوښتنې يې شریکې کړې.
ورپسې د سرحدونو او قبایلو چارو سرپرست او نوماند وزیر ښاغلي محب الله صمیم د یادو کارکوونکو د کړنو او فعالیتونو څخه خوښي څرګنده کړه او د دوی ستونزې یې پر ځای وبللې وې ویل: د ښځینه کارکوونکو لپاره به راتلونکي کې کاري اسانتیاوې رامنځته کړو، د ظرفیت لوړولو برخو کې به ورته ورکشاپونه، سیمینارونه او د زده کړې پروګرامونه په لار واچول شي، ترڅو کاري وړتیاوې یې لوړې شي.
همدا راز ښاغلي محب الله صمیم ژمنه وکړه، چې د وزارت په چوکاټ کې به د ښځو ګمارنې ته ځانګړې پاملرنه وکړي.
