له قبایلي مشرانو او مخورو سره ناسته!
د سرحدونو او قبایلو چارو وزارت مسلکي مرستیال ښاغلي ډاکټر فریدون بارکزي نن دوشنبې د ۱۳۹۹ لمریز کال د وري میاشتې پر ۴ مه نېټه له یو شمیر قبایلي مشرانو او د بهرنیو چارو وزارت له سلاکار ښاغلي محمد هاشم محبوبي سره د خپل کار په دفتر کې وکتل.
په دې کتنه کې، چې د وزارت د ښوونې او روزنې رئيس ښاغلی محمد نبي شهاب، د تحقیق او مطالعاتو رئيس ښاغلی جاوید احمد وفا او د بشري زېرمو رئيس ښاغلی محمد یاسین پکتین هم حاضر و، راغلو مشرانو د خپلو سیمه ییزو ستونزو شریکولو، ترڅنګ د سولې او ملي یووالي په برخه کې د وزارت د مشرتابه هلې ځلې وستایلې او د موجوده نظام څخه یې خپل ملاتړ څرګند کړ.
ورپسې د سرحدونو او قبایلو چارو وزارت مسلکي مرستیال ښاغلي بارکزي په خپلو خبرو کې د یادو مشرانو ستونزې پر ځای وبللې او د خپلو همکاریو ډاډ یې ورکړ.
