ملي امنيتي او دفاعي ځواکونه زموږ د خاورې ساتونکي دي موږ يې په کلکه ملاتړ کوو .
نيټه : دوشنبه د ١٣٩٨ کال د کب ٥
تر دې عنوان لاندي نن د پکتيکا ولايت د يحي خېلو ولسوالې کې سلګونه تنه قومي مشران ، علمأ ،ځوانان او مدني فعالان راټول شوي ؤ ، ياده غونډه چې له ملي امنيتي او دفاعي ځواکونو(ملي اردو ، ملي پوليسو او ملي امنيت) څخه د ملاتړ په پار رابلل شوې وه، قومي مشرانو په وار سره په خپلو خبرو کې د بيلا بيلو قومونو په استازولۍ له امنيتي ځواکونو څخه په کلکه خپل ملاتړ څرګند کړ او زیاته يې کړه، موږ د خپلو سرتېرو چې شپه او ورځ زموږ د ولس په خدمت کې دي د ستړياو او زحمتونو قدر کوو او تر څنګ يې ولاړ ؤ ، همدارنګه قومي مشرانو وويل چې نن که موږ آرام او مصؤن ژوند لرو دا زموږ د زړورو سرتېرو د هڅو او زيار برکت دی ، دوی وویل چې د پکتيکا ولسونه به خپل تېر تاريخ ته په کتنې سره د تل په څېر د خپلو سرتېرو او خپل نظام تر څنګ ولاړ وي او له هغوی څخه به په ميړانه دفاع کوي ، د غونډې په پای کې د قومي مشرانو له لورې له امنيتي ځواکونو څخه د ملاتړ اونۍ په وياړ د سرتېرو په غاړو کې ګلان ورواچول شول.
