د ټاکنو د خپلواک کميسېون له خوا د دوهم ځل لپاره د افغانستان د اسلامي جمهوريت د جمهور ريس په توګه د جلالتماب ډاکټر محمد اشرف غني د اعلان په مناسبت د سرحدونو او قبايلو چارو د وزير محترم محمد شفيق ګل آغا شېرزي د مبارکۍ پيغام!
د زيات وياړ او خوشالۍ ځاى دى، چې د روان کال ولسمشريزو ټولټاکنو د نهايي پايلو پربنسټ زموږ محبوب ولسمشر د دوهم ځل لپاره د افغانستان منتخب ولسمشر اعلان شو.
د سرحدونو او قبايلو چارو وزارت مقام او ټول کارکوونکي ددغې سترې بريا له امله جلالتماب ولسمشر ، محترمو مرستيالانو، د دولت جوړوونکي ټاکنيز ټيم ښاغلو غړو، د وسله وال پوځ منسوبينو، قومي او قبايلي مشرانو او د هېواد په دننه او بهر کې ټولو مېشتو افغانانو ته د زړه له کومي مبارکي وايي او هيله څرګندوي، چې د باعزته او تلپاتې سولې د ټينګښت او پاتې کارونو د بشپړولو په برخو کې خپلو هېوادوالو ته د غوره خدمتونو د وړاندې کولو جوګه شي.
موږ خپل محبوب او منتخب ولسمشر ته په چارو کې د لازياتو برياوو هيله کوو.
ژوندى او سرلوړى دې وي افغانستان
درنښت
محمد شفيق ګل اغا شېرزى
د سرحدونو او قبايلو چارو وزير
