د اداري مجلس جوړېدل!
د سرحدونو او قبایلوچارو وزارت د مالي او اداري معین ښاغلي شجاع الملک جلاله په مشرۍ د وزارت د مشر تابه پلاوي په ګډون نن یکشنبه ۱۳۹۸لمریزکال د لیندۍ میاشتې پر ۲۴ مه نیټه اداري مجلس جوړشو.
په پیل کې ښاغلي جلاله له اړوند ریاستونو سره د مالي او اداري چارو د تنظیمولو په اړه خبرې وکړې ټینګار یي وکړ، چې د راتلونکي کال لپاره باید مالي او تدارکاتي چارې د مالي کال له پیل څخه داسې منظمې شي، چې له ستونزو خالي او پایلې مثبتې وي.
ورپسې د جرګو او قبایلي چارو د همغږۍ رئيس په اسلام قلعه او تورغونډۍ کې د جرګو د جوړېدو، چې د بحث خبرې یې سرحدي، ګډوالو، ترانسپورتي او سیمه ییزې ستونزې وې معلومات وړاندې کړل او همدا راز یې په کابل کې د ۱۸ ولایتونو د دیني عالمانو، قومي مشرانو د یادو ولایتونود استازو په ګډون یې د یوې درنې جرګې د جوړیدو، مالي او حسابي رئيس د انکشافي او عادي بودجو د سلنو د کچې، نا اجرا شویو او اجرا کیدونکو حوالو او په تېر کال کې د (ه ) میلیونه عواید و د راټولېدو، د تېر مالي کال له نیمګړتیاوو او تجربو څخه په ګټې اخېستنې د مالي پلان د جوړولو په اړه معلومات ورکړل، د دفتر رئيس او د وزارت حقوقي سلا کار له مراجعینو سره د اړیکو او هغوی ته د اسانتیاوو د برابرولو په برخه کې د موظفې کمېټې له خوا تدوین شوی یوولس ماده یې طرزاالعمل له مجلس سره شریک کړ.
