په کندهارکې د غازي عبدالله خان اڅکزي لېسې ښوونکو او زده کوونکو ته د یو ورځني ښوونیز ورکشاپ جوړېدل!
د (لوی افغانستان پېژندنې او ډیورند فرضي کرښې د دواړوغاړو څېرمه میشته قومونو ترمنځ د یووالي) تر نوم لاندې ښوونیز ورکشاپ د وزارت د جرګو او قبایلي چارو د هغمږۍ ریاست له خوا سه شنبې د ۱۳۹۸ لمریز کال د لړم میاشتې پر ۲۱ مه نېټه جوړ شو.
په دې ورکشاپ کې د سرحدونو او قبایلو چارو وزیر ښاغلي محمد شفیق ګل آغا شېرزي د ولسمشر د سلاکار ښاغلي اغا لالي دستګیري، د هغه ولایت د ښوونې او روزنې چارو رئيس د وزارت د جرګو او قبایلي چارو د همغږۍ رئيس ښاغلي نیاز محمد امیري، قومي مشرانو، د کندهار ولايت يو شمېر ولسوالانو او ټولنيزو فعالانو ګډون کړی و.
د ورکشاپ په پیل کې د سپین بولدک ولسوال راغلو مېلمنو ته ښه راغلاست ووا یه ورپسې د جرګو او قبایلي چارو د همغږۍ رئيس ښاغلي امیري کندهار ته د خپل سفر او د ورکشاپ د موضوع په اړه معلومات وړاندې کړل وې ویل: چې د جرګو او قبایلي چارو د همفږۍ ریاست د کلني پلان مطابق تر بېلابېلو سرلیکونو لاندې د جرګو د جوړولو ترڅنګ د وزارت د ستراتیژۍ سره سم په ځینو موضوعاتو ورکشاپونه هم جوړوي، چې ننی ورکشاپ مو هم له پلان سره سم دا ځل له تاسو درنو قومي مشرانو، استادانو او ګرانو زده کوونکو سره جوړ کړ.
هیله من یو چې د لوی افغانستان اود ډیورند فرضي کرښې څېرمه قومونو تر منځ د تاریخي، دوریزه، دیني، ژبنیو او بېلابېلو اړیکو په اړه، چې موږ سره یو موټی او متحد ساتي معلومات ترلاسه کړئ.
د سرحدونو او قبایلو چارو وزیر ښاغليٍ محد شفیق ګل آغا شېرزي هم زده کوونکي زده کړو ته و هڅول، وې ویل: چې د یوه هېواد پرمختګ، پراختیا او بسیا کېدل په زده کړه او پوهه سمبالو هېوادوالو ته اړتیا لري، موږ به هغه مهال له ګڼو ستونزو څخه د خلاصون پر لور ګامونه واخلو، چې د ټولنې اکثریت وګړي مو د علم او پوهې په ګاڼه سمبال شي، له همدې امله زه په خپله او د وزارت نور مشران هڅه کوو، چې ستاسو ټولې اړتیاوې پوره کړو، په تدریسي، اداري او لیلیه چاروکې اسانتیاوې رامنځته کړو، تر څو زموږ ځوانان په یو مناسب چاپیریال کې زده کړې وکړي.
د یادې لېسې له ښوونکو څخه یې هم د زده کوونکو د سالمې ښوونې او روزنې په برخه کې مننه وکړه وې ویل: چې په پرله پسې توګه باید زده کوونکو ته د خپل هېواد، د دغه هېواد د ویاړلي تاریخ او نورو ځانګړنو په اړه معلومات ورکړي همدا راز قومي مشران، ښوونکي او زده کوونکي په ډالیو و نازول شول.
