د کندهار له بېلابېلو قومي مشرانو او مخورو سره کتنه
په دې ناسته کې ښاغلي شېرزي وویل، ما په هېواد کې د روانو ناخوالو د له منځه وړلو او د ملي یوالی د ټينګښت په موخه پر هر قومي مشر ږغ وکړ، ځکه د هېواد د ښې راتلونکى او پرمختګ لپاره زما هېوادنې مسئولیت ٶ او خپل مسووليت او هېوادنۍ وجيبه مې ادا کړه، چې په دې توګه مې سبا ورځي ته تاریخي ملامتیا پرې نه ښوده.
د سرحدونو او قبايلو چارو محترم وزير د هېواد د پرمختګ، اقتصادي پياوړتيا، قانون د تطبيق، سولې او بيا رغونې په برخو کې د افغانستان د اسلامي جمهوریت د جمهور ريس جلالتماب محمد اشرف غني بې ساري خدمتونه او پياوړى مديريت وستايه.
ښاغلي شېرزي همدا راز پر ولسونو ږغ وکړ، چې د خپلو ارزښتناکو رایو په کارولو سره خپل روښانه راتلونکى پخپله و ټاکي.
ورپسې قومي مشرانو، مخورو، ديني عالمانو او ځوانانو د محترم وزیر صاحب له ملي احساس ، دوامداره هلو ځلو او مېلمه پالني څخه د مننې په ترڅ کې، ژمنه وکړه، چې د کندهار ولسونه د افغانانو د خير ښېګڼې او د وطن د پر مختګ او اعتلا لپاره هر ډول هلو ځلو ته چمتو او په هر ډول شرايطو کي ستاسو تر شا ولاړ دي.
