د کندهار د مرکز او بېلا بېلو ولسواليو له قومي مشرانو، مخورو، دولتي چارواکو، سياسيونو او ځوانانو سره د نېکمرغه لوى اختر مبارکۍ مراسم تر سره شول!
په دغو مراسمو کې، چې د کندهار ولايت مرستيال ښاغلى عبدالحنان منيب هم حاضر و، قومي مشرانو، مخورو او ځوانانو ښاغلي وزير صاحب ته د اختر مبارکى ویلو تر څنګ د سولې او ملي يووالي په ټينګښت کې د وزارت د مشرتابه هلې ځلې وستايلې او له موجوده نظام سره يې خپل ملاتړ څرګند کړ.
ورپسې ښاغلي محمد شفيق ګل آغا شېرزي د اختر مبارکۍ په ترڅ کې پخپلو خبرو کې د یادو قومې مشرانو او ځوانانو له ملي احساس څخه مننه وکړه او هيله يې وښوده، چې د سولې روانې خبرې په هېواد کې د جګړې د بندېدو او د سراسري او باعزته سولې د ټينکښت سبب شي.
