د سرحدونو او قبایلو چارو وزارت اداري مجلس د۱۳۹۸ لمریز کال د زمري پر۱۴ نېټه د سرحدونو او قبایلو چارو وزیر ښاغلي محمد شفیق ګل اغا شېرزي په مشرۍ جوړ شو
ورپسې د سرحدي څېړنو معین ښاغلي محمد اصف قاضي زاده د وزیرانو شورا په غونډه کې د بحث شویو موضوعګانو په اړه معلومات وړاندې کړل:وې ویل:چې هېڅ دولتي کارکوونکی نشي کولای،چې په رسمي وختونو کې په کمپاینونو کې برخه واخلي.
همدا راز مالي او حسابي ریاست سرپرست د عادي او انکشافي بودجو د لګښت او سلنې په اړه معلومات ورکړل.ټینګاریې پردې و،چې د بودجې د سلنې د لوړېدو لپاره دې کارونه چټک شي،دجرګو او قبایلي چارو د همغږۍ رئیس د پکتیکا ولایت د ارګون په سرحدي ولسوالۍ کې۷۰۰ تنو قومي مشرانو او دیني عالمانو په ګډون د یوې جرګې د بریالي ترسره کېدلو او پایلو په اړه معلومات وړاندې کړل او په بېلا بېلو برخو کې هلته د ولسونوله استازو څخه راټول کړي وړاندیزونه او غوښتنې له ښاغلي شېرزي سره شریک کړل،دداخلي پلټنو رئیس هم د بېلا بېلو چارو د سمون او نیمګړتیاوو د پوره کېدو لپاره ځینې وړاندیزونه چې د ښاغلي شېرزي لخواهم سم وبلل شول وړاندې کړل او هغه ته یې په دې برخه کې د پلټنو سپارښتنه وکړه.
همدا راز مسلکي معین ښاغلي ډاکتر فریدون بارکزي هم پروخت د تدارکاتي مسایلو پرحل، د تدارکاتو قانون او طرزالمعل سره سم د تدارکاتي چارو په سمون او پرمخ بیولو ټینګارو کړ.
ښاغلي بارکزي دا هم وویل: چې اړوند ریاستونه دې له ادارې بهر راستول شوي مکتبونه له وزیر صاحب او ریاست دفتر سره شریک اوله مشورې وروسته ته اجراات وکړي.
په وروستیو کې د مقام دفتر رئیس د وزارت دلایحو ، قواعدو،کړنلارې،ستراتیژۍ،مقررې،پالیسۍ او ستراتیژیک پنځه کلن پلان په برخو کې د ټاکل شوې کمیټې څخه هیله وکړه چې په دې برخه کې د کار د څرنګوالي په اړه له مقام سره خپل معلومات شریک کړي.
په ټوله کې مجلس د تدارکاتي چارو په سمون،اصلاح او په دې برخو کې په قانوني کړنو، د پراختیایي او عادي بودجو پر وخت لګونې،پر وخت د اسنادود پړاویز بهیر په ترسره کېدو،د پیر،ارزیابۍ او معاینې پلاووته د تدارکاتو په برخه کې د پوهاوي په ورکولو ټینګار وکړ.تر بحث وروسته یې اړوند ادارو ته د اجرااتو سپارښتنه وکړه.
د بشري زیرمو رئیس د جمهوري ریاست مقام هغه حکم ولوست،چې له مخې په دې وزارت کې ښاغلي ډاکتر فضل کریم د قومونو په برخه کې د سلا کار په توګه ټاکل شوی و،او مجلس ته معرفي شو
د غونډې په وروستیو شیبو کې د تحقیق او مطالعاتو او د سرحدي څېړنو ریسان ښاغلي جاوید احمد وفا او ښاغلي داور ته چې څه موده مخکې یې د چین په یو پوهنتون کې کنفرانس په بریالیتوب سره پای ته ورساوه او لومړی مقام او وزارت ته یې ویاړ راوړ د محترم وزیر صاحب له خوا په تقدیر لیکونو وویاړل شول.
