د ۱۳ تنو له مرګ ژوبلې وروسته د پکتیا په لجي منګل ولسوالۍ کې د درېیو اوږدمهالو دښمنیو هواري

taqi_admin
پنجشنبه ۱۴۰۵/۵/۱۵ - ۱۱:۶
د  ۱۳ تنو له مرګ ژوبلې وروسته د پکتیا په لجي منګل ولسوالۍ کې د درېیو اوږدمهالو دښمنیو هواري
پنجشنبه ۲۲ صفر المظفر ۱۴۴۸ د پکتیا ولایت د سرحدونو، قومونو او قبایلو چارو ریاست په مشري د ولايتي ادارې په همغږۍ او د سیمه ييزو ديني عالمانو او قومي مشرانو په ګډو هڅو دياد ولايت د لجي منګل ولسوالۍ اړوند دوه کورنيو ترمنځ ۴۰ کلنه دښمني په سوله ‌ییز ډول پای ته ورسېده. په یاده دښمنۍ کې د تېرو کلونو پر مهال ۵ تنه وژل شوي او ۳ نور ټپیان شوي وو، چې سخت خپلمنځي اختلافات يې لرل. همدارنګه د ذکر شوې ولسوالۍ د برې خولې کلي اوسېدونکو ترمنځ د غره د ځنګل پر سر رامنځته شوې ۴۰ کلنه دښمني هم د پکتیا ولایت د سرحدونو، قومونو او قبایلو چارو ریاست او اړوندو مسؤلینو په هلو ځلو هواره شوه. په دې پېښه کې یو تن وژل شوی او یو بل زیانمن شوی و. دغه راز د لجي منګل ولسوالۍ په مربوطاتو کې د څلورو کورنيو د غړو ترمنځ د يوې مېرمنې د وهلو ټکولو له امله رامنځته شوې ۳۰ کلنه دښمني د سولې او خبرو له لارې حل شوه. په دې دښمني کې یو تن وژل شوی او ۳ تنه ټپیان شوي وو، چې د سختو خپلمنځي اختلافاتو سره لاس او ګريوان وو. د دغو دښمنيو د حل مراسم د لجي منګل ولسوالۍ د غونډو په تالار کې ترسره شول، چې پکې د پکتیا ولایت د سرحدونو، قومونو او قبایلو چارو رياست مسؤلينو په مشري، د ولایتي ادارې استازو، د بېلابېلو ولسوالیو مسؤلینو، علماوو، قومي مشرانو او مخورو ګډون کړی وو. مسؤلينو په خپلو خبرو کې د سولې، بښنې او ورورولي پر ارزښت خبرې وکړې او ټول لوري يې سره غاړه غړۍ کړل

تازه ترین اخبار

چهارشنبه ۱۴۰۵/۸/۲۰ - ۱۳:۴۹
Background image

((وقت آن می آید، که یک روز افغان‌های مظلوم جهان را نجات می دهند))

چهارشنبه ۳۰ جمادی‌الأولی ۱۴۴۸

این سخنان را مولوی عنایت شجاع معین بررسی سرحدی وزارت امور سرحدات، اقوام و قبایل  درنشستی که از سوی این وزارت  تحت عنوان نفاذ شریعت زیر جتر نظام اسلامی و. . .

یکشنبه ۱۴۰۵/۸/۱۰ - ۱۴:۳۴
Background image

نشست  تطبیق شریعت و هماهنگی با مردم  در چوکات  نظام اسلامی در ولایت تخار 

یکشنبه، ۲۰ جمادی الأولی  ۱۴۴۸

وزارت امور سرحدات، اقوام  و قبایل به ادامه برګزاری نشست های  خویش به هدف تطبیق احکام شرعی وهماهنگی با مردم  در  ولایات، نشستی را با نمایندگان اقشار مختلف. . .

چهارشنبه ۱۴۰۵/۷/۲۲ - ۱۳:۵۲
Background image

تدویر نشست نفاذ شریعت اسلامی و هماهنگی میان مردم در ولسوالی استالف کابل

 

چهار شنبه ۲ جمادی الأولی ۱۴۴۸

وزارت امور سرحدات، اقوام وقبایل به  رهبری مولوی محمد آجان رهبر رئیس جرگه ها و هماهنگی  امور قبایل این وزارت، نشست بزرگ مردمی  را تحت عنوان تنفیذ شریعت. . .

BACK TO NEWS

User account menu