سمنګان کې ۷ کلنه شخړه په سوله ييزه توګه هواره شوه

يکشنبه ۳۰ صفرالمظفر ۱۴۴۷ د ياد ولایت مرکز اړوند په ګل قشلاق سیمه کې هغه راپورته شوې شخړه چې، د دوو کورنیو ترمنځ له نېږدې ۷ کلونو راهیسې روانه وه او ګڼې ستونزي يې را ولاړې کړې وې د يوې قومي جرګې له لارې پای ته ورسېده. د دغه قومي جرګې په رابلل شوې غونډه کې د سمنګان ولايت د سرحدونو، قومونو او قبایلو چارو آمریت مسؤلینو، د سیمې ديني عالمانو او ګڼ شمير اوسېدونکو ګډون کړی وو، چې مسؤلينو او ګډونوالو د دواړو کورنیولخوا يو بل ته د بښنې کولو له امله ستاینه وکړه او د سولې او یووالي پر لور دا ګام يې ګټور وباله. ښکېلو لوريو هم د يادې روغه جوړې په ترسره کولو خوښي څرګنده کړه او په دې برخه يې د مسؤلينو هڅې وستایلې. هغوی زیاته کړه چې د شخړو سوله ییز حل نه یوازې د کورنیو ترمنځ کینې پای ته رسوي بلکې د ټولنې د یووالي او همغږۍ لامل هم ګرځي.