غزني کې د يوې مېرمن او دوه ماشومانو په ګډون د ۷ تنو له مرګ ژوبلې وروسته روغه!
يکشنبه ۲ صفرالمظفر ۱۴۴۷ د غزني ولايت په آب بند ولسوالي کې د يوې ترافيکې پېښې له امله راپورته شوی جنجال، چې پکې د يوې مېرمنې په شمول دوه ماشومان وژل شوي او څلور تنه نور پکې ټپيان شوي وو حل او دواړو خواوو يو بل ته په بښنې کولو سره سوله ييز ژوند پيل کړ. د دغې پېښې د روغې جوړې لپاره د ياد ولايت د سرحدونو، قومونو او قبايلو چارو رياست رئيس الحاج مولوي جان محمد حاجي مومن د قومي مشرانو او علماوو په همکاري د دواړو کورنيو د مشرانو سره د خبرو اترو له لارې موضوع حل او ښکېل اړخونه يې ورورولي ته راوبلل. په پېښه کې د وژل شويو قربانيانو د کورنۍ مشرانو د جرګې په پرېکړه خوښي څرګنده کړه او د اسلامي امارت له مسؤلينو يې مننه وکړه، چې د يادې ستونزې په حل کې يې نه ستړې کېدونکي هلې ځلې وکړې.
