د ميدان وردګو او باميان ولايتونو لپاره د شخړو د حل په برخه کې د ټاکل شوي کمېسیون له غړو سره کتنه
سه شنبه ۲۰ ذوالحجه ۱۴۴۶ د سرحدونو، قومونو او قبایلو چارو وزارت د جرګو او قبايلي چارو د همغږۍ معين الحاج مولوي محمد علي جان احمد نن له غرمې مخکې په میدان وردګ او باميان ولايتونو کې.د شخړو د حل په موخه د ټاکل شوي کېيسیون له مشر او غړو سره په دا سې حال کې وکتل ، چې د یاد وزارت د کوچیانو چارو د سمون عمومي رئیس الحاج ملا محمد بصر صاحب زاده او د کوچیانو د اقتصادي خدماتو او څړځایونو رئیس مفتي لعل محمد منیب هم حضور درلود.په دې کتنه کې د یادو ولایتونو لپاره دجوړ شوي کمېسیون غړو د اسلامي امارت له لوري دخلکو تر منځ د یووالي په اړه د هڅو ستاینه وکړه او په خپلو خبرو کې یې وویل چې دقومي ستونزو د حل، د خلکو ترمنځ د یووالي رامنځته کولو په برخه کې ورسپارل شوی مسؤلیت په پوره صداقت او ژمنتیا سره تر سره کوي.ښاغلي احمد د راغلو مشرانو هرکلی وکړ، هغوی یې خپلو مسؤلیتونو لا ډېر وهڅول او ویې ویل، چې په میدان وردګ او بامیان ولایتونو کې دې د هرې ولسي، لویې او کوچنۍ ستونزې پرمهال باید د ولایت له اړوندو ادارو همغږي وساتي څو یې ستونزې ژر او د تفاهم له لارې هوارې شي.
