په پلازمېنه کابل کې د جوړ شوي نندارتون له لارې د کوچیانو محصولات د بازار موندنې په موخه نندارې ته وړاندې شول
پنجشنبه ۳ ذوالقعده ۱۴۴۶
دغه نندارتون، چې د کرنې او مالدارۍ وزارت له لوري د پلازمېنې کابل په بادام باغ سیمه کې جوړ شوی و، د اسلامی امارت د لوړپوړو مسؤلینو، سربېره د سرحدونو، قومونو او قبایلو چارو وزارت د کوچیانو چارو د سمون عمومي رئیس الحاج ملا محمد بصر صاحب زاده او د کوچیانو د اقتصادي خدماتو او څړځاینو رئیس مفتي لعل محمد منیب هم ګډون کړی و.
په دغه نندارتون کې د هېواد د مختلفو تولیدي محصولاتو تر څنګ، د کوچیانو دودیز لاسي صنایع او د مالدارۍ اړوند محصولات هم نندارې ته وړاندې شول، چې د ګڼ شمېر لیدونکو پام یې ځان ته را جلب کړ.
د کوچیانو چارو د سمون عمومي رئیس، الحاج ملا محمد بصر صاحب زاده، د کوچیانو له محصولاتو څخه د لیدنې پر مهال وویل: دا ډول نندارتونونه نه یوازې د کوچیانو پر اقتصادي وده ژوره اغېزه لري، بلکې د دوی د لاسي صنایعو او د مالدارۍ محصولاتو ارزښت هم زیاتوي، نوموړي زیاته کړه چې په افغانستان باندې د اسلامي امارت له حاکمیت را وروسته، دا اتم ځل دی چې یواځې په کابل کې د کوچیانو د محصولاتو لپاره نندارتون جوړېږي. له دې سره، سره د کوچیانو ژوند ته په نور بېلابېلو برخو کې هم د اسلامي امارت له خوا ځانګړې پاملرنه شوې ده. آن تر دې چې د سرحدونو، قومونو او قبایلو چارو وزارت تر چتر لاندې د کوچیانو چارو ته د رسېدو په موخه یو ځانګړی عمومي ریاست جوړ شوی، تر څو د دوی ستونزې وڅېړي ، حقوق یې خوندي کړي ، او د ژوند اسانتیاوې ورته برابرې کړي
