د مسلکي معين په مشري ټاکل شوې کمېټې دويمه ناسته ترسره کړه
یکشنبه، ١١جمادي الثاني، ١٤٤٥
د سرحدونو، قومونو اوقبایلو چارو وزارت د اداري مجلس د پرېکړې پر اساس د تکنالوژي رياست لپاره د دوو پاليسیو، د وزارت اړوند تعلمي مرکزونو د لیلیه چارو او د کوچيانو چارو د سمون عمومي ریاست اړوند چارو لپاره د کړنلارو جوړونې کمېټې ناسته ترسره کړه.
په یاده ناسته کې د وزارت مسلکي معین الحاج مولوي احمد طه قادري، د جرگو رئیس شيخ حضرت ولي حقاني، د دعوت او ارشاد رئیس الحاج مفتي شفیع الله ثاقب، د پلان او پالیسي رئیس مولوي نیک محمد افغاني، د ښوونې او روزنې رئیس مولوي عبدالرحمن رحماني، د ټکنالوژي رئیس خسرو سلامزاده، د شخړو د حل سلاکار ښاغلي قاسمي، د سرحدونو د څارنې رئیس مولوي حضرت محمد وحدت ګډون کړی وو .
د کمېټې غړو د تکنالوژي رياست د دووپاليسیو د څرنګوالي په اړه تېره غونډه کې وړاندې شوي نظرونه او تر سره شوې پرېکړې و ارزولې او دغه راز یې د تعليمي مرکزونو د ليليې چارو د تنظم او مدیریت په اړه هم هر اړخيز بحث تر سره او په کتبي شکل بېلابيل نظرونه را ټول شول تر څو په راتلوونکي کې مسولين د خپلو اجرأتو لپار ټاکل شوې تګلارې په واک کې ولري.
