د پوهنې وزارت د مسلکي انکشاف له استازو سره لیدنه
۱۴۴۵/۶/۸
په مرکز کابل کې د سرحدونو، قومونو او قبایلو چارو وزارت اړوند د رحمان بابا عالي لېسې آمر مولوي صدیق الله صدیقي د معارف وزارت د مسلکي انکشاف له ټاکل شوي پلاوي سره د خپل کار په دفتر کې وکتل.
په یاده ناسته کې د پوهنې وزارت له لوري ټاکل شوي هیئت یادې لېسې ته د خپلې لیدنې په اړه خبرې وکړې. دوی د یاد وزارت له لوري د د ښوونکو د تدریسي ظرفیت لوړونې په برخه کې د جوړېدنکې سیمنار په هکله معلومات شریک کړل او د استادانو نظرونه یې په دې اړه مهم وبلل.
د ناستې په اوږدو کې ښوونکو ته په دې اړه ترتیب شوې فورمونه توضیع شول او په اړوند موضوع یې خپل نظریات وړاندې کړل، یاده ناسته په دوعا کولو سره پای ته ورسېده.
