د قلعه ذال ولسوالۍ صالح آباد په سېمه کې قومي شخړه حل او په دوستي بدله شوه
د کندز ولایت قلعه ذال ولسوالی د صالح آباد سیمې د دوو قومونو ترمنځ شخړه چې له امله یې یوتن په یاده شخړه کي قتل شوی وو د ددغه ولایت د سرحدونو، قومونو او قبایلو چارو رایس مولو ي احسان الله ثاقب د علماء شورا اوحج اوقافو د غړو او قومي مشرانو په هڅو حل او دواړه قومونو روغې جوړې ته مخه کړه.
غونډې ته د سرحدونو، قومونو او قبایلو چارو رایس ښاغلي ثاقب په خپلو خبرو کې وویل شخړه د حل لاره نه ده اوس الحمدالله ا.ا.ا د افغانستان په ګوټ ګوټ کې د افغان ميشتو قومونو تر منځ د سولې او اخوت د فضاء په را منځته کولو توانېدلی چې د جګړو او شخړو پر ځای یی دا زمينه برابره کړي چې ټول ولسونه په سوله او ارامې کې ژوند وکړي، د نظام او هیواد د پرمختګ لپاره لاس سره ور کړي او ټول شته بدبېنيو او بدمرغيو ته د پاي ټکی کيږدي.
د ښاغلي ثاقب تر خبرو وروسته د شخړې دواړو لوریو دا ومنله چې جنګ جګړه بدمرغي را منځته کوي، د غونډې په پای کې دواړو لوریو يو بل ته په ورين تندي بښنه وکړه او د غونډې ګډون والو ته يې د بیا ځلې شخړې د نه کولو ډاډ ورکړ
