د کابل،باميان، کاپيسا او پروان ولايتونو څخه د راغليو يو شمېر متنفذينو او علماؤ ستونزې او نظرونه واوريدل شول.
۱۴۰۱/۱/۳/۱۵
د سرحدونو قومونو او قبایلو چارو سرپرست ملا نورالله نوري چي باميان ولايت ته د يو لوړپوړي هيئت په ملتيا په رسمي سفر تللی وو مختلفو ولايتونو څخه راغليو مشرانو او علماوو سره وکتل او د دوئ راوړې ستونزې يې نوټ او انديښنې يې ور ځواب کړې.
دا متنفذين او مشران چي د قاري سيد بلال هاشمي په مشري باميان ولايت ته راغلي وو د کابل څخه راغلي لوړ رتبه هيئت ته يې خپل يو لړ ستونزې او په ځينو برخو کې رغنده مشورې او وړانديزونه په ليکلي توګه شريک کړل.
د استخباراتو لوی رياست مرستيال حاجي رحمت الله نجيب مشرانو ته په وينا کي وويل چي اسلامي امارت د ټولو قومونو او پرګنو ګډ نظام دی موږ د هر هغه خوځښت همکاري کوو چي د دين او هيواد د خدمت او پرمختګ ته ګټور وي.
په وينا يې ټولې ګټورې مشورې او وړانديزونه دوئ اوري او تقديروي يې.
د ښاغلي نوري پخپلو خبرو کي وويل: د سرحدونو قومونو او قبایلو چارو وزارت په خپل چوکاټ کي د هيواد په کچه له ټولو قومونو او با نفوذه شخصيتونو سره د ليدنو کتنو او ناستو منظمې برنامې لري چي تل د اسلامي امارت او خلکو تر منځ د ارتباطي پول په حيث ثابت شوی.
نوموړي زياته کړه چې ستاسو ستونزې او مشورې مو واوريدلې او په اړه به يې ضرور غور کيږي.
