ننګرهار کې د کوچیانو څارویو ته د ویروس ضد درملو ورکړه او په دې برخه کې د عامه پوهاوی پروګرام پیل شو
د افغانستان لپاره د هالنډ د (DCA) مؤسسې او د « د کوچي- کلپ» پروژې په مالي لګښت او د ننګرهار د کرنې، اوبو لګونې او مالدارۍ رياست په تخنيکي همکارۍ د ننګرهار مومند درې ولسوالۍ د شهيدانو موړ په سیمه کې د کوچیانو ۱۰۰ زره څارویو ته د داخلي ویروس پر ضد د درملو د ورکړې پروګرام پیل شو. د کرنې ریاست د چارواکو په وینا، د دې پروګرام موخه له بېلابېلو امراضو او پرازیتونو څخه د څارویو ساتنه ده چې په دې برخه کې به مالدارانو ته عامه پوهاوی هم ورکړل شي. د ننګرهار کرنې ریاست د حیواني روغتیا امر ډاکټر محمدضمیر بهسودي او د کوچیانو ریاست استازي « د کوچي- کلپ» پروژې مخکې هم مالدارانو ته د ترویج ، څارویو د تغذې او وټرنرۍ خدماتو د وړاندې کولو په برخه کې خورا ګټور خدمات وړاندې کړي.
