د نيمروز له ۱۱سیمه ييز ټلويزيون سره د سرحدونو او قبایلو چارو محترم وزیر ځانګړې مرکه!
د سرحدونو او قبایلو چارو وزیر محترم محب الله صمیم د نیمروز د ۱۱ سیمه ییز ټلویزیون د خبریالې ددې پوښتنې په ځواب کې چې ولایتي سفرونو موخه مو څه ده؟ وویل: ولایتي سفرونو څخه زموږ موخه دا ده چې د قومونو تر منځ یووالی رامنځته کړو سره منسجم یې کړو او شته ستونزې یې له نږدې واورو او هغو ته د اړوندو ادارو په همکارۍ د حل لارې چارې پیدا کړو.
ښاغلي محب الله صمیم د مرکې پر مهال وویل: چې نیمروز ولایت کې به یوه لېسه چې په لیلې سربېره به د زده کړې لپاره ښه او مناسب چاپیریال ولري جوړه کړي، تر څو په دې مناسب چاپیریال کې هغه زده کوونکي زده کړې وکړي، چې د روانې بدمرغې جګړې او ورته نورو ستونزو له امله زده کړو ته لاسرسی نه لري.
د یادې مرکې په ترڅ کې ښاغلي محب الله صمیم داهم وویل چې په نیمروز ولایت کې به د لویو ولسي غونډو او جرګو لپار یو مناسب او غوره تالار هم جوړ کړي،
د مرکې په پای کې محترم محب الله صمیم وویل چې په نیمروز ولایت کې به د سرحدونو او قبایلو چارو ریاست دلته د شته ټولو بېلابېلو قومونو د ستونزو د حل لومړنی او غوره ادرس وي او دغه راز به ولسونه د نظام، ملي ارزښتونو او ورته نورو ملي مسایلو د ملاتړ لپاره له همدې ځایه خپل غږ اوچتوي.
ښاغلي صمیم د یاد ټلویزیون خبریالي د بلې پوښتنې په ځواب کې وویل: چې وزارت د سولې او ملي یووالي په ټینګښت کې اغېزمن پروګرامونه لري، چې هغه په ټولو ولایتونو کې د جرګو له لارې سولې، د نظام ملاتړ، د هېواد د امنیتي ـ دفاعي ځواکونو څخه ملاتړ ته د ولسونو رابلل دي. چې دا لړۍ په ټولو ولایتونو کې روانه ده
