د قومونو د انسجام او ملي یووالي په ټینګښت کې د سرحدونو او قبایلو چارو سرپرست او نوماند وزیر ښاغلي محب الله صمیم هڅې وستایل شوې!
د بلخ ولایت پخواني مرستیال شجاع الدین شجاع او ورسره ملګرو یې نن له غرمې مخکې د سرحدونو او قبایلو چارو سرپرست او نوماند وزیر ښاغلي محب الله صمیم سره وکتل.
په دې کتنه کې ښاغلي شجاع د قومونو د انسجام، سولې او ملي یووالي د ټینګښت په برخو کې د وزارت د مشرتابه هڅې وستایلې او د خپلو همکاریو ډاډ یې ورکړ.
ورپسې ښاغلي محب الله صمیم له نوموړو سره ژمنه وکړه، چې د سولې، ملي یووالي، او د امنیت د ټینګښت په برخو کې به خپلو هڅو ته دوام ورکوي او د قومي مشرانو، مخورو او بانفوذه شخصیتونو سره په سلامشور به خپلې چارې پر مخ بوځي.
